रहाटाडवाडी शाळेच्या माजी विद्यार्थ्याचे दहावी बोर्ड परीक्षेत सुयश

 

रहाटाडवाडी शाळेच्या माजी विद्यार्थ्याचे दहावी बोर्ड परीक्षेत सुयश

रहाटाडवाडी शाळेचा माजी विद्यार्थी प्रविण प्रकाश ढेबे याने दहावी बोर्ड परीक्षेत 92.60 % गुण घेऊन घवघवीत यश संपादन केले आहे.या यशाचे श्रेय रा.जि.प.शाळा रहाटाडवाडी शाळेतील इ.पहिली ते चौथीचे शिक्षक श्री.शिवदास काटकर सर व श्री.संजय पालवे सरांना आहे. याच शाळेत प्रविणला शिक्षणाची गोडी लागली असे त्याचे वडील प्रकाश ढेबे यांनी सांगितले. अतिशय दुर्गम भागातील व गरीब कुटुंबातील असूनही कठीण मेहनत,अभ्यासातील चिकाटी व जिद्द यामुळे प्रविणने आपले व आपल्या आई वडीलांचे नाव उज्ज्वल केले आहे. 

                    ग्रामीण भागात जिल्हा परिषदेच्या शाळेत शिकून मुंबई येथील भैरव विद्यालय घाटकोपर शाळेतून 92.60 % गुण मिळवले.या शाळेतील वर्षा चोपदार मॅडम,संगीता सोनावणे मॅडम,संगीता चव्हाण मॅडम,उज्ज्वला वाव्हळ मॅडम,सुनिता बारसिंगे मॅडम,शामल देशपांडे मॅडम,वंदना तिवारी मॅडम,अनिता खाडे मॅडम, श्री.बाळू नेहे सर,श्री.अमोल गोडसे सर व वंदना गोडसे मॅडम यांचे अनमोल मार्गदर्शन मिळाले.

     रहाटाडवाडी व रहाटाड धनगरवाडीतील ग्रामस्थांकडून प्रविणच्या या यशाचे खूप कौतुक होत आहे. आई वडील व सर्व नातेवाईकांना गगनात मावेनासा असा आनंद झालेला आहे. व या प्रसंगी प्रविण व प्रविणच्या आई - वडिलांनी त्याच्या जिल्हा परिषद शाळेतील शिक्षकांना या यशाचे न विसरता श्रेय दिले आहे.